「無記性～無耳性～口多多」一聽到呢句歌詞，無論你係大人或細路，總會記起陪伴無數香港人長大嘅櫻桃小丸子。7-Eleven 知道大家都一樣掛住小丸子，特別聯乘小丸子及著名玩具品牌 BANBAO 推出一系列充滿香港特色嘅積木組合，等大家可以拼出屬於自己嘅「左鄰友里生活街」，將小丸子同埋佢嘅一眾親朋好友帶返屋企。

今次一套八款嘅系列，除咗主角櫻桃小丸子，仲有小丸子爺爺、花輪、小玉、媽媽、野口、豬太郎等，陪大家暢遊地道大街小巷，又有得睇又有得玩。另外，隆重推出趣怪可愛嘅別注版小丸子書包店連鬧鐘收藏配套，真人發聲鬧鐘搞笑過癮，令你每朝都元氣滿滿。想擁有佢地嘅粉絲記得密切留意！

與小丸子成為左鄰友里 每日為你締造不同驚喜

櫻桃小丸子及一眾親朋好友係我地嘅集體回憶，咁多年嚟粉絲們熱情有增無減。今次 8 款「左鄰友里小情景」中，連同櫻桃小丸子，一共 7 位深受粉絲歡迎嘅人氣角色，完美融入每個唔同場景，同時具備香港本土獨有特色。無論係樂天傻氣嘅小丸子、「深藏不露」嘅野口、抑或性格溫馴嘅豬太郎，總有一位角色你會喜歡。

8 款「左鄰友里小情景」包括有 7-Eleven 小丸子店、豬太堂、爺爺栗子檔、花輪大押、丸子茶記、小玉便利店、媽媽花墟及野口小巴站。悄悄話你知，當中小丸子店及豬太堂更備有額外貼紙組合，變身成隱藏款式，搖身一變為 80 年代 7-Eleven 店及 Daily Café，兩位主角更成為 80 年代 7-Eleven 店店長及 Daily Café咖啡師，鬼馬又驚喜。

每款「左鄰友里小情景」附有 BANBAO 塑膠積木組合一套、迷你人型積木組一個及貼紙一張。零件及細節簡單之餘，亦做得相當精緻。等你可以感受到親手拼砌嘅樂趣，係積木迷必備嘅新玩物！

此外，部份小情景頂部亦有以 2.5D 設計之裝飾，立體嘅造型瞬間令小情景嘅真實及可愛度直線上升！每款情景都附有說明書一張，圖示清楚列明組裝步驟，跟隨步驟就可以輕易砌出屬於你嘅「左鄰右里小情景」。儲齊一套 8 款小情景，創造屬於你嘅左鄰友里生活街，同小丸子及朋友成為真正嘅「街坊」。

小丸子每朝同你 Good morning 日日起身都咁精靈
提起小丸子，相信大家都會諗起佢嘅經典紅色書包。日本小學生書包基本上都係同小丸子書包一樣嘅款式，今次將佢標誌性嘅紅色書包巧妙地與鬧鐘結合。呢款「小丸子書包店連鬧鐘收藏配套」除咗附有塑膠積木組合一套、迷你人型積木組一套及貼紙一張外，仲附有小丸子真人發聲鬧鐘。而真人發聲鬧鐘係由小丸子香港配音員特別錄製，一聽兒時回憶立即返晒嚟！錄音語氣搞笑過癮，相信一定可以叫醒熟睡中嘅小丸子粉絲。

「小丸子書包店連鬧鐘收藏配套」仲可以一物二用，組合附有之底版更可配合上文 8 款「左鄰友里小情景」一併收藏，變身成唯你專屬嘅左鄰友里生活街，放喺房間瞬間充滿生氣。而且，小丸子書包店內有乾坤，一打開，人見人愛嘅小丸子搖身一變成為書包店老闆，可愛度爆登，更充滿驚喜，小丸子嘅忠粉們一定唔可以錯過呢款具珍藏價值嘅精美鬧鐘組合。